and wellbeing of the waikato river
Restoring and protecting the health
HE MIHI
Tiwha tiwha te poo ea te Ao
Kau ngaa tai o Reehua ki uta
He rongo i tuuria ki te matahau
No Tuu te winiwini
No Tuu te wanawana
Tihei Mauriora
Ko te wehi ki te Atua Ko ia te timatanga o te whakaaro nui
Me whakahoonoretia te Kiingi Maaori a Kiingi Tuheitia, e noho
mai na i runga i te torona tapu o oona tuupuna me toona
whaea.
E ngaa mana, e ngaa reo, e ngaa waka, e rau rangatira maa
teenaa koutou,teenaa koutou, teenaa koutou kaatoa
Ki a ratou kua riro ki tua o Paerau, ngaa mate huhua o te waa,
haere ki te kainga i tauiratia mo taatou mo te tangata, oti atu
koutou ki Hawaiki nui, ki Hawaiki roa ki Hawaiki paamamao
E kore e mutu te whakamihi atu ki ngaa tuupuna na
raatou te kaha, na raatou hoki i whakatoo te whakaaro kia
whakamanawa maatou ki te tiaki i te mana me te mauri o te
Awa o Waikato i raro i ngaa tikanga tuku iho.
Ko te taumata, ko te mahi tahi a ngaa Iwi katoa ahakoa Maaori
mai Pakeha mai, mo te oranga o taa taatou tuupuna awa te
kaupapa tino whakaharahara rawa atu. Kia tika ai te koorero o
Kiingi Taawhiao,‘Tooku awa koiora me oona pikonga he kura
tangihia o te maataamuri’
No reira kia uu kia kaha kia mataara taatou ki te mahitahi mo te
oranga o te awa o Waikato te take.
