4
Ka tuku pūtea ki te aha?
Ka tukua te pūtea āwhina ki ngā kaupapa, hōtaka, rōpū hoki e whai wāhi ana ki te
hiki i te oranga o ngā hapori. Tērā pea ko ngā mahi a aua rōpū:
Ngā Mahi Toi
Te Ahurea
Te Mātauranga
Ngā Take Taiao
Te Pūranga o tō tātou Hitori
Ngā Mahi ā-Rēhia
Ngā Ratonga ā-Pāpori
Ngā Hākinakina
Te Hunga Rangatahi
He kaupapa motuhake ā mātou?
Ae, kua tautuhitia e Te Puna o Waikato Waikato ētehi hiahia motuhake o tō tātou
rohe, ki tā mātou titiro me whai pūtea āwhina. Ko ētehi:
Te tautoko i te whānau me te hunga rangatahi
He kaha tā mātou tautoko i ngā hōtaka e pā ana ki ngā take matua o ngā pēpehinga
i te pāpori. Tae atu ana ki ngā kaupapa tautoko i ngā whānau, manaaki rā anō i te
hunga tamariki, hunga kaumātua hoki.
Te ākina o te whaiwāhi me te uru ngāwari noa
He mea nui whakaharahara ki Te Puna o Waikato me mārama te tangata nōna te
hapori – mō ngā take mātauranga, mahi whaiutu, mahi ā-rēhia rānei.
Ko tā mātou he manaaki i te tautoko o te whai wāhi ki ngā take mātauranga, mahi
ā-rēhia, me ngā mahi toi hoki, tae atu ana ki te whai wāhi i ngā whakatihi o te hapori
me te ahurea.
Te manaaki tūao
He kaha te tautoko a Te Puna o Waikato i te āhua tūao o te mahi e whai painga ai
ō tātou hapori me ngā rōpū o roto. Ko tētehi tino kaupapa a Te Puna o Waikato he
tautoko i te whakangungu me te manaaki i te hunga tūao me ā rātou takohatanga.
