12 / 20
12
Ka taea te tono anō i roto i te tau kotahi?
Ko te tikanga ia kotahi tonu te pūtea tautoko ki te rōpū hapori ia tau. He oti rā ka taea
e te rōpū tono i te Pūtea Tautoko I Te Kaupapa Haupū (ki te kōwhiringa 2) te tono ki
tētehi kaupapa kē mā ngā kōwhiringa tono pūtea whānui.
Ki te kore tō tono tuatahi e whakaaetia, ka taea e koe te tono anō ki tētehi atu
kaupapa i roto i tētehi anō o ngā rauna tuku pūtea āwhina. Ko tā mātou kupu ki a koe,
kia kaha ki te waea mai ki tētehi o ngā Kaitohutohu tōno putea āwhina ki te kore tō
tono e whakaaetia. Ka manaakitia ka tohutohutia koe e rātou.
Ka tuku pūtea Te Puna o Waikato mō ētahi tau atu
o te tau kotahi?
Ae. Ka karangahia e Te Puna o Waikato ngā tono mō ngā pūtea āwhina tau-tini kua
paiheretia (rua tau ki te toru tau) i ngā rauna pūtea āwhina whānui e toru, ahakoa te
rauna. Me tūtaki e ngā rōpū tono ngā paearu tāpiri kua whakarārangihia ki tō mātou
Donations Policy.
Me aha mēnā e whai pūtea ana mai i te Kāwanatanga?
Kāore Te Puna o Waikato e tuku pūtea ki ngā kaupapa nā te Kāwanatanga te kawenga.
Ka ata tirohia e Te Puna o Waikato ngā tono pūtea o ngā rōpū whai pūtea mai i te
kāwanatanga me ngā hua i puta mō te hapori.
He aha te take i kore ai ētehi tono e whakaaetia?
Tūturu, kāore ngā tono katoa e ea i te iti o te pūtea o Te Puna o Waikato.
Ka whakamāramatia atu e mātou ngā take i kore ai tō tono e whakaaetia. Ko ētehi
o ngā take noa o mua:
Ngā pepatono kīhai i oti tika
Kīhai i tukuna e ngā kaitono te katoa e hiahiatia ana mai i te pepatono, arā hei
tāpiri tonu ake:
• pūrongo pēke
• pūrongo a te tiamana (he pūrongo rānei mō ngā mahi o te tau o mua)
• pūrongo pēke nō nā tata nei me tētehi rau pūtea kua whakaū, ngā taipitopito
pēke rānei kua whakaū
• ngā taipitopito kaute mō ngā koha katoa o mua.
Ngā tono tōmuri
Kāore kau e taea e mātou te whai tono tūreiti. Kia kaha ki te tuku moata mai.
Ko te tikanga, ka pupuritia ngā tono tōmuri, mō te kōwhiringa o muri atu ka tirohia ai.