6
He kaupapa motuhake ā mātou?
Ae, kua tautuhitia e Te Puna o Waikato Waikato ētehi hiahia motuhake o tō tātou
rohe, ki tā mātou titiro me whai pūtea āwhina. Ko ētehi:
Te tautoko i te whānau me te hunga rangatahi
He kaha tā mātou tautoko i ngā hōtaka e pā ana ki ngā take matua o ngā pēpehinga i
te pāpori. Tae atu ana ki ngā kaupapa tautoko i ngā whānau, manaaki rā anō i te hunga
tamariki, hunga kaumātua hoki.
Te ākina o te whaiwāhi me te uru ngāwari noa
He mea nui whakaharahara ki Te Puna o Waikato me mārama te tangata nōna te
hapori – mō ngā take mātauranga, mahi whaiutu, mahi ā-rēhia rānei.
Ko tā mātou he manaaki i te tautoko o te whai wāhi ki ngā take mātauranga, mahi ā-rēhia,
me ngā mahi toi hoki, tae atu ana ki te whai wāhi i ngā whakatihi o te hapori me te ahurea.
Te manaaki tūao
He kaha te tautoko a Te Puna o Waikato i te āhua tūao o te mahi e whai painga ai
ō tātou hapori me ngā rōpū o roto. Ko tētehi tino kaupapa a Te Puna o Waikato he
tautoko i te whakangungu me te manaaki i te hunga tūao me ā rātou takohatanga.
Te Tautoko i te iwi me ngā hapori Māori
E herea ana pū Te Puna o Waikato kia whaimana Te Tiriti o Waitangi.
Ko tā Te Puna o Waikato he tautoko i ngā kaupapa me ngā rōpū kei te pokapū o ngā
whānau, ngā hapū me ngā iwi pakari, hirahira hoki. Ko ngā whāinga tōmua o te tuku
pūtea, ko te whakatikatika marae me te tautoko i ngā take Māori nui whakahirahira.
Te manaaki me te whakanui i te tuakiri ahurea
He mea nui te hitori, te tuakiri, me te ahurea o tō tātou hapori.
Ko tā Te Puna o Waikato he tautoko i ngā ahunga nui o ngā iwi Pasifika me ngā hapori
o ngā mātāwaka.
Te whakangao i te hapori pakari
He nui te tautoko a Te Puna o Waikato i ngā kaupapa, ngā hōtaka rānei e tiaki nā i te
hunga kua aukatia i te ōrite o te kounga o te oranga o te nuinga.
Kei ētahi hapori he hiahia motuhake – tērā pea nā te iti, te takiwā, te āhua o te
tangata o reira – ā, he tautoko Te Puna o Waikato i ngā rōpū o te hapori e kaha nei te
whakarato i ngā take kua tautuhitia. Hei tauira, e mōhio ana mātou ki ngā raruraru o te
whai wāhi me ngā rori ki ngā hapori o te taiwhenua pāmamao.
He mahi ngātahi mātou me ngā rōpū whai taura here tūroa ki roto ki ngā hapori
rawakore. Ērangi rawa ia, he tuku pūtea ki ngā rōpū whaiwhakaaro ki te whakawātea
mōhiohio, para huarahi whai pūtea hoki ki ngā wāhi rawakore.