4 / 26
2
Nō whea a Trust Waikato?
Nō whea te pūtea o Te Puna o Waikato? Nā te ture mātou i whakatū ai i te tau 1988
hei pupuru i ngā hea o Tarahiti Pēke Waikato. Nō te tau 1996 ka hokona katoatia ā
mātou hea pēke ā, ka puta mai mātou i te mahi pēke. Mai i taua wā ka whakatikahia
ai e Te Puna o Waikato tētehi kōpaki tāpae pūtea puta noa te ao, ā ko tētehi paihēneti
e tukua ana ki ngā rōpū o te hapori huri noa te rohe.
He aha tō mātou kaupapa?
Mā te tuku pūtea āwhina ki ngā rōpū o te hapori te tautoko a Te Puna o Waikato i te
whakahira ake i tō tātou rohe. He mea tautoko e mātou ngā rōpū me ngā kaupapa e
hāngai ana ki te toko i te ora, te hākinakina, ngā mahi ā-rēhia, te hunga tamariki, te
taiao, me te ahurea.
Ko tō mātou moemoea kia tipu, kia hua ngā hāpori.
Ko tō mātou whāinga kia tika te whakatipu rawa, ā, kia pai tōna tohatoha.
Ka tuku pūtea ki whea?
Ko tō mātou rohe tuku pūtea kei ngā takiwā o Thames-Coromandel, Hauraki,
Matamata-Piako, Waipa, Waikato, South Waikato, Waitomo, Otorohanga, Ruapehu
me te taonenui o Kirikiriroa.
E mārama ana Te Puna o Waikato ko te nuinga o ngā whenua o taua rohe nei nō
Tainui waka arā, nō Waikato, Raukawa, Hauraki me Maniapoto.
Ka tuku pūtea ki a wai?
E tuku pūtea ana ki ngā rōpū o te hapori, kāore i te whai huā-arumoni:
• kei te rohe o Te Puna o Waikato te nuinga o ngā whakahaeretanga.
• he rōpū kua kaporeitia ā-ture hei tarahiti kaupapa atawhai. (Me mārama mai: E
taea tonutia ana te āwhina i te rōpū kāore i te pēnei te mana, whakapā mai ki
tētehi o ō mātou pouhere pūtea.)
• e whai pūtea pēke ana, pūrongo tahuā-ā-tau, me te pūrongo ā-tau o ā rātou
whakahaerenga.
www.trustwaikato.co.nz
kia kitea ngā rārangi ingoa o ngā
kaupapa whiwhi takoha i mua,
me ngā whakamārama.
Me toro ki