4 / 100
HE KUPU NAA
TE KIINGI
E aku tuupuna, e aku
whakamarumaru, he tangi, he
mihi, he tuku whakamoemiti mo
koutou ki te Kaihanga, Naana nei
nga mea katoa.
Tenei te tuku mihi atu ki a
taatou ngaa kanohi ora o ngaa
tuupuna me nga maatua, te
whakatupuranga i waihotia hei
whakatutuku i ngaa wawata o
raatou maa. Kia a koutou e noho
mai na i oo taatou papanekehanga,
i oo taatou papakaainga, i oo
taatou pae marae o roto o
Tainui Waka whaanui. Teenaa
koutou katoa.
Me mihi ki te hunga kua okioki i
runga i ngaa marae maha.
E Kara e Erima koutou ko Mauriora
ko Te Uruhinahina, koutou nga
Rangatira o te Ao Maaori kua
kapohia e te Ringa kaha o Aitua
tatuu iho ki ngaa mate huhua,
mai te ihu ki te kei o tooku waka
o Tainui. Haere i te ata haapara,
haere e koro maa, e kui maa, haere
ki te ukaipoo, ki ngaa tuupuna
maatua e moe mai naa i te aroaro
o Io-matua-kore.
Ahakoa ngaa aupiki, auheke o te
waa, kei roto i te kotahitanga o te
whakaaro ka puta, ka ora ai taatou.
Ma te Atua taatou katoa
hei manaaki.
Paimarire.
Kiingi Tuheitia
Whakataka to Hau ki te Muri
Whakataka to Hau ki te Tonga
Kia makinakina i Uta
Kia mataratara i Tai
Kia hii ake ana te Ata-kura
He tio, he huka, He Hauhunga
He Paki-o Hewa
2