Tā Te Taiurungi
Chief Executive’s report
JimMather
Kei ngā tōpū mana, kei ngā ihoiho o ngā maunga,
kei aku whakateitei, tēnā rā koutau katoa. He
tuatahitanga tēnei māku ki te whakatakoto i Te
Pūrongo a Te Wānanga o Aotearoa, ā, nōku hoki te
māringanui i riro i a au te tūranga hei Taiurungi mō
tēnei kaupapa rangatira rawa atu.
Mai i tōku tīmatanga, i āta rangona
ai, i āta kitea ai te wairua me te
āhuatanga Māori i roto i ngā mahi
katoa, tae atu hoki ki te ngākau
nui o ōku hoamahi o Te Wānanga
o Aotearoa ki te kaupapa. He nui
nō tō rātau manawa tītī, tō rātau
whakapono, tō rātau aroha, me tō
rātau kaha ki te hiki i te kaupapa
e kaha nei te tū o te whare. Hoki
mai ki tāku, arā he hāpai tonu i
aua mātāpono katoa i roto i aku
whakaritenga hei kaikōkiri mō ngā
tūmanako o Te Wānanga o Aotearoa
e whai hua tonu ai te katoa, ā, mau
ake nei.
Kei te mihi ki huarahi o te iwi
mātātoa pērā i a Rongo Wetere
mā, i a Bentham Ohia mā hoki, ā,
māku te Te Wānanga o Aotearoa hei
whakatipu i runga i tā rātau katoa
i whakatakoto ai hei tūāpapa mō
ngā iwi kei te whai mai. Nō reira,
kei ngā ringaringa o te nāianei te
kaupapa, ā, māku, mā Te Wānanga
o Aotearoa katoa e kawe tōna ora
ki tōna taumata tika kia rite ai mō
ngā tau tini kei mua i te aroaro. Tēnā
tātau katoa.
‘Whānau transformation
through education’
8
TE PŪRONGO 2013
